د مخابراتو او معلوماتي ټکنالوجۍ وزارت مشرتابه د ډیجیټل کولو په برخه کې د یو شمیر نړیوالو کارپوهانو سره آنلاین ناسته وکړه
په دې ناسته کې د مخابراتو او معلوماتي ټکنالوجۍ وزیرې معصومه خاوري، د پالیسۍ او پروګرام مرستیال احمد مسعود لطیف رای او د وزارت یو شمیر رئیسانو په حضور د ډیجیټل سازۍ په برخه کې د یو شمیر نړیوالو کارپوهانو سره د سلامشورې او نظر تبادلې په موخه جوړه شوې وه او د دې موخې په مختلفو ابعاد او تطبیقي لارو بحث وشو.
د مخابراتو او معلوماتي ټکنالوجۍ وزیرې او په ناسته نورو ګډونوالو، د جلالتمآب ولسمشر لارښوونې ته په کتو سره د اوسني وضعیت، د ادارو اړتیاوو او په هیواد کې د موجوده پروسو د قوت او کمزوري برخې له ګډونوالو سره شریکې کړې.
د یادونې وړ ده چې دا ناسته د ولسمشرۍ دفتر د ډیجیټل کولو کاري ډلې دویمې ناستې په تعقیب، د همکارۍ لپاره د فرصتونو موندلو او د ادارو ډیجیټل کولو په برخه کې د بریالي نړیوالو شرکتونو سره د تجربو شریکولو په موخه جوړه شوې وه.
