د دایکنډي ولایت په یو شمیر ولسوالیو کې دسلام مخابراتي شبکی د دریو نويو مخابراتي سایټونو جوړولو د سروې چارې تر سره شوې
د هیواد لرو پرتو سیمو ته د مخابراتي او انټرنټي آسانتیاوو برابرولو په موخه د مخابراتو او معلوماتي ټکنالوجۍ وزارت د پریکړې له مخې د دایکنډي ولایت د مخابراتو ریاست، د ګډ مسلکي ټیم له لوري د خدیر ولسوالې په کیان کلی کې، د سنګ تخت ولسوالۍ په ناو تلخک کلی کې او اشترلی ولسوالۍ (فهرستان، عبدی، سفید سنګ او نیقل ) کلیو ته څیرمه د ټي ډي اف لسمې پروژې له لارې د مخابراتي سایټونو د جوړولو لپاره سروې تر سره شوه
د یاد مخابراتي سایټونو د جوړولو عملي چارې به ډیر ژر پیل شي چې په جوړیدو سره به یې د یادو سیمو د اوسیدونکو مخابراتي او انټرنټي ستونزې هوارې شي.
