د خوست ولایت د مخابراتو او معلوماتي ټکنالوجۍ ریاست او د تخنیکي او مسلکي انستیتوت آمریت تر منځ د همکارۍ هوکړه لیک لاسلیک شو

د خوست ولایت د مخابراتو او معلوماتي ټکنالوجۍ ریاست او په دغه ولایت کې د تخنیکي او مسلکي انسټیتوټ آمریت تر منځ د علمي او عملي چارو، د ادارو ترمنځ د همکارۍ کلتور ته د ودې ورکولو، محصلینو ته د ساینسي او تخصصي تجربو لیږدولو په موخه د همکارۍ هوکړه لیک لاسلیک شو.

دیاد هوکړه لیک د مفادو له مخې به د انسټیټیوټ د څوارلسم ټولګي د دوهم سمیسټر(۶۳) تنه محصلینو لپاره به د ډیټابیس په برخه کې د خوست ولایت د مخابراتو او معلوماتي ټکنالوجۍ ریاست اړوند د کمپیوټر ښوونیز مرکز د مجربو ښوونکو له لوري دیوې میاشتې په موده کې عملي زدکړې ورکړل شي او له ترلاسه شویو زدکړو وروسته کولی شي ټولنې ته د خدمت جوګه شي.

د خوست ولایت د مخابراتو او معلوماتي ټکنالوجۍ ریاست یاد هوکړه لیک د محصلینو د وړتیاوو لوړولو لپاره ګټور وباله او د خوست ولایت د تخنیکي او مسلکي انسټیتوټ آمریت سره یې د خپلې همکارۍ او ملاتړ ډاډ ورکړ.