پنجشیر ولایت د مخابراتو او معلوماتي ټکنالوجۍ ریاست د کمپیوټر ښوونیز مرکز کې ۲۰۰ تنه زدکوونکي په زدکړو بوخت دي

د پنجشیر ولايت مخابراتو او معلوماتي ټکنالوجۍ رياست د کمپیوټر د ښوونیز مرکز د زده کړې په څلورمه دوره کې ۲۰۰ تنه زدکوونکي د شپږ مياشنۍ مودې لپاره په زدکړو بوخت دي چې په یاده موده کې به د (ویندوز اساسات، ام اس ورد، اکسل، اکسس، پاورپوینټ او انټرنیټ) کمپيوټري پروګرامونو په برخه کې  زدکړې ورکړل شي او په راتلونکي وخت کې به ټولنی ته د خدمت په موخه وړاندی شی.

د مخابراتو او معلوماتي ټکنالوجۍ وزارت د اوسني عصر اړتیا او د ټکنالوجۍ ارزښت ته په کتو د هېواد په ټولو ولایتونو کې د کمپیوټر د زده کړې علمي مرکزونه جوړ او د ټکنالوجۍ په پرمختللو وسایلو سمبال کړي چې د مجربو ښوونکو له لوري هېوادوالو ته پکې په علمي او عملي ډول تدریس کېږي.