د مواصلاتو او مخابراتو کميسيون له خوا د مخابراتو وزارت د مشرتابه ستاینه وشوه

Alireza Khaliqyar
یکشنبه ۱۳۹۷/۱۰/۹ - ۱۲:۳۶

https://www.mcit.gov.af/ps/%D8%AF-%D9%85%D9%88%D8%A7%D8%B5%D9%84%D8%A7%D8%AA%D9%88-%D8%A7%D9%88-%D9%85%D8%AE%D8%A7%D8%A8%D8%B1%D8%A7%D8%AA%D9%88-%DA%A9%D9%85%D9%8A%D8%B3%D9%8A%D9%88%D9%86-%D9%84%D9%87-%D8%AE%D9%88%D8%A7-%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D9%88%D8%B2%D8%A7%D8%B1%D8%AA-%D8%AF-%D9%85%D8%B4%D8%B1%D8%AA%D8%A7%D8%A8%D9%87-%D8%B3%D8%AA%D8%A7%DB%8C%D9%86%D9%87-%D9%88%D8%B4%D9%88%D9%87

نن د ولسي جرګې د مواصلاتو او مخابراتو کميسيون د مخابراتو او معلوماتي ټکنالوجۍ وزارت د ورستيو لاسته راوړنو ستاينه وکړه.

د ولسي جرګې د مواصلاتو او مخابراتو کميسيون رئیس محترم قیس حسن په هغه جلسه کې چې په همدې موخه جوړه شوې وه زیاته کړه چې ستاسو د رهبرۍ لاندې د مخابراتو او معلوماتي ټکنالوجۍ وزارت د پام وړ لاسته راوړنې لري او ياد کميسيون په تېرو اته کلونو کې د لومړي ځل لپاره د مخابراتو او معلوماتي ټکنالوجۍ وزارت د مشرتابه څخه د هغوی د فعالیتونو له کبله د ستاينلیک په ورکولو قدردانی کوي.

د کمېسيون غړو هم په خپل وار زموږ د وروستيو لاسته راوړنو او فعالیتونو ستاينه وکړه.

د مخابراتو او معلوماتي ټکنالوجۍ وزیر محترم شهزاد آريوبي، د مخابراتي او معلوماتي خدماتو د پراختيا او ستونزو ته د رسيدګۍ په خاطر د مواصلاتو او مخابراتو کميسيون د همکارۍ څخه د مننې تر څنګ وویل چې په نوي ۹۸ مالی کال کې بېلابېل پروګرامونه په پام کې لرو چې خلکو مو د غوره مخابراتي او معلوماتي خدماتو څخه برخمن شي او ددغه سکټور پر وړاندې پراته خنډونه تر یو حده له منځه لرې شي.

همدا شان محترم آريوبي د کمېسيون غړو سره د مخابراتو او معلوماتي ټکنالوجۍ وزارت د راتلونکو پروګرامونو او سلام مخابراتي شبکې د پراختيا په اړه هم لازم معلومات شريک کړل.