د بلخ ولایت بلخ ولسوالۍ کې د یوه مخابراتي سایټ له رغنیزو چارو څارنه ترسره شوه
د بلخ ولایت بلخ ولسوالۍ ډنډوکي کلي کې د افغان ټلیکام مخابراتي شرکت د سلام شبکې یو مخابراتي سایټ چې د یادې سیمې د مخابراتي ستونزو د حل په موخه د اترا ادارې لسمې پروژه کې پلان شوی و رغنیزې چارې روانې دي.
یاد مخابراتي سایټ چې اوس مهال یې رغنیزې چارې کابو بشپړېدو ته نیږدې شوي د بلخ ولایت د مخابراتو او معلوماتي ټکنالوجۍ ریاست او اترا دارې استازي له لوري یې له رغنیزې چارو څارنه ترسره شوه او اړونده شرکت ته پر وخت د مخابراتي سایټ د بشپړولو او همداراز د قرارداد مطابق معیار په پام کې نیولو سپارښتنه وشوه.
د یادونې وړ ده د یاد مخابراتي سایټ په فعالېدو سره به د بلخ ولایت ډنډوکي سیمې ډیری برخې له مخابراتي آسانتیاو برخمنې او د سیمې اوسېدونکو ته به انټرنټي او مکالماتي آسانتیاوې برابرې کړي.
