په پروان ولایت کې د استاد عبدالله امیری او حضرت علي تجربوي لیسې او تخنیکي انستیتیوت له انټرنیټ سره ونښلول شول
له انټرنیټ اسانتیاوو سره د ښوونځیو او انستیتیتونو د نښلولو په لړ کې، د پروان ولایت په غوربند سیاګرد ولسوالۍ کی د حضرت علي تجربوي ښوونځی او د پروان مرکز چاریکارو کې د استاد عبدالله امیري تجربوي ښوونځی، د نوري فایبر له لاری له انټرنیت شبکې سره ونښلول شول.
د پروان ولایت د ډیجیټلي همغږۍ ریاست مسؤلینو، له انټرنیټ سره د دغه ولایت ښوونیو او انستیتیوتونو نښلول د پروان ولایت ډیجیټلي همغږۍ او ښوونېز پرمختګ په برخو کې ستر ګام یاد کړ.
د یادونې وړ ده، چې تر دې وړاندې د نوموړي ولایت د زراعت انستیتیوت او عالي دارالمعلمین د نوري فایبر له لارې له انټرنیټ شبکې سره نښلول شوي ول او د دې ښوونیزو مرکزونو زده کوونکو او ښوونکو ته یې زیاتې اسانتیاوې رامنځته کړې وې.
