هېواد ته د بې کیفیته او جعلي ګرځنده ټلیفونونو د واردولو د مخنیوي په موخه د مخابراتو او معلوماتي ټکنالوجۍ وزارت خبرتیا!

د مخابراتو او معلوماتي ټکنالوجۍ وزارت د پرېکړې له مخې، له دې وروسته د ګرځنده تلیفونونو واردوونکي شرکتونه مکلف دي څو هېواد ته د مبایل سیټونو له واردولو مخکې د مخابراتي خدمتونو د تنظیم ادارې څخه د مبایلونو د تورید جوازلیک ترلاسه او په قانوني ډول خپل فعالیت ته د وام ورکړي.

د مخابراتو او معلوماتي ټکنالوجۍ وزارت چې هېواد کې د مخابراتي خدمتونو د تنظیم علاوه د هېواد په کچه د ټکنالوجۍ د ودې او پراختیا دنده هم پر غاړه لري د وخت د غوښتنو او د چارو د آسانیتا په موخه وخت په وخت ګڼ مهم سیسټمونه جوړ او ګټې اخیستنې ته سپاري چې د همدې لړۍ په دوام هېواد کې د بې کیفیته او جعلي مبایل سیټونو د واردولو، د هېوادوالو د ګرځنده ټلیفیونونو د ورکېدو د مخنیوي .... په موخه  (IMEI) سیسټم چې د ټولو ګرځنده تلیفیونو (IMEI) شمېرې په کې درج دي جوړ او عملا یې ګټې اخیستنې ته سپارلی، په همدې اساس د ګرځنده ټلیفونونو واردوونکي شرکتونه اړ دي څو د  (IMEI)  مشخصو شمېرو له ثبت او راجسټر کېدو او له تورید څخه واړندې د اټرا ادارې جواز لیک ولري.

په همدې اساس د هېواد ټولو هغو سوداګرو ته چې له بهرنیو هېوادونو څخه افغانستان ته ګرځنده تلیفونونه واردوي خبر ورکول کېږي له دې وروسته د مخابراتي خدمتونو د تنظیم ادارې د جوازلیک د نه درلودو په صورت کې د مبایلونو له واردولو ډډه وکړي د غیر قانوني کړنې په صورت کې به له قانوني چلند سره مخ شي.