محمد فهیم هاشمي، د خلکو د هرې افغانۍ په وړاندې به په مسئولیت سره چلند کوو
شنبه ۱۳۹۸/۴/۱۵ - ۱۶:۵۶
د مخابراتو او معلوماتي ټکنالوجۍ سرپرست وزیر ښاغلي محمد فهیم هاشمي د مخابراتي خدمتونو 10٪ محصول د راټولولو په اړه د مشرانو جرګې د ترانسپورت او مخابراتو کمیسیون ته معلومات ورکړ.
ښاغلي محمد فهیم هاشمي وویل چې د افغانستان د خلکو د پیسو سره په مسئولانه ډول معامله کوي، او همدې موخې ته د رسیدو لپاره یې پدې برخه کې څارنه جدي کړې ده.
ښاغلي هاشمي زیاته کړه چې د مخابراتو او معلوماتي ټکنالوجۍ وزارت مشرتابه سخت کار کوي تر څو د مخابراتي خدمتونو محصول د شفاف راټولولو لپاره حتی یوه ورځ هم ضایع نکړي.
د مخابراتو او معلوماتي ټکنالوجۍ وزارت وزیر همداراز زیاته کړه چې د مخابراتو وزارت تخنیکي ټیمونه هڅه کوي چې جدي او دقیقې څارنې لپاره د حل جامع او بنسټیزه لاره را پیدا کړي.
د مخابراتو او معلوماتي ټکنلوجۍ وزارت د مخابراتي خدمتونو د محصول د راټولولو د بهیر له پیل څخه 16 ملیارډه افغانۍ راټولې کړي دي او د دولت خازنې ته یې سپارلې دي.
ښاغلي هاشمي وویل چې د مخابراتي خدمتونو 10٪ محصول راټولولو سیستم به په راتلونکو څلورو میاشتو کې بشپړ شي او د (RTDMS) سیستم به د قرارداد سره سم په پنځه لسو (15) میاشتو کې تکمیلیږي.
