سږکال د بادغيس ولايت په بېلابېلو او په ځانګړي ډول محرومو سیمو کې ټولټال ۲۷ مخابراتي سايټونه فعال شوي دي
د مخابراتو او معلوماتي ټکنالوجۍ وزارت اترا ادارې د پلان او لارښوونې پربنسټ د هیواد لرو پرتو او محرومو سیمو ته د مخابراتي آسانتیاو د چمتو کولو په موخه د بادغیس ولایت په بیلا بیلو ولسوالیو کې د مخابراتي خدمتونو تنظیم ادارې (اترا)، د یاد ولایت د مخابراتو او معلوماتي ټکنالوجۍ ریاست، دولتي او خصوصی مخابراتي شرکتونو د ګډوهڅو په پایله کې ټول ټال ۲۷ مخابراټي سایټونه چې له ډلې یې ۱۰ مخابراتي سایټونه د مخابراتي خدمتونو د تنظیم اداری اټرا د ټي ډي اف لسمې پروژې په مرسته، ۴ مخابراتي سایټونه د افغان ټيلیکام سلام شبکې، ۳ مخابراتي سایټونه د روشن ، ۵ مخابراتي سایټونه د افغان بیسیم او ۵ مخابراتي سایټونه د اتوما مخابراتي شرکتونو له لوري جوړ او ګټې اخیستنې ته سپارل شوي دي.
په ټوله کې د بادغیس ولایت بیلابیلو سیمو کې ۱۰۳ مخابراتي آنټنونه لګول شوي چې د انټرنټي او مکالماتي ستونزو د حل په برخه کې یې د پام وړ آسانتیاوې رامنځته کړي او لا هم یو شمېر مخابراتي آنټنونه تر کار لاندې دي.
همداراز د مخابراتو او معلوماتي ټکنالوجۍ وزارت د محترم مشرتابه له لوري د بادغیس ولایت هغه سیمې چې لا هم له مخابراتي ستونزو سره مخ دي ۹ مخابراتي سایټونه منظور کړي چې لنډه موده کې به یې د رغونې چارې هم پیل شي.
