د Girls In ICT نړېوالې ورځې د نمانځنې غونډه کې ګډون

Alireza Khaliqyar
سه‌شنبه ۱۳۹۸/۲/۳ - ۱۳:۲۹

https://www.mcit.gov.af/ps/%D8%AF-girls-ict-%D9%86%DA%93%DB%90%D9%88%D8%A7%D9%84%DB%90-%D9%88%D8%B1%DA%81%DB%90-%D8%AF-%D9%86%D9%85%D8%A7%D9%86%DA%81%D9%86%DB%90-%D8%BA%D9%88%D9%86%DA%89%D9%87-%DA%A9%DB%90-%DA%AB%DA%89%D9%88%D9%86

د مخابراتو او معلوماتي ټکنالوجۍ وزیر محترم شهزاد آريوبي نن د اترا ادارې په نوښت د Girls In ICT نړېوالې ورځې د نمانځنې په غونډه کې ګډون کړ.

محترم آريوبي د خپلو خبرو په ترڅ کې د مخابراتو او معلوماتي ټکنالوجۍ سکټور کې د ښځو پر ونډه ټينګار کوړ او زیاته يې کړه چې مېرمنې د بېلابېلو دولتي او خصوصي نهادونو رهبري کوي او ډېرې وړتياوې لري چې کولای شو د افغانستان نجونو روباټيک ټیم يادونه وکړو چې د نړۍ په کچه يې خپل نوښتونه خلکو ته وښودل.

د Girls In ICT نړېواله ورځ هر کال په ۱۷۱ هېوادونو کې نمانځل کېږي او موخه يې د مخابراتو او معلوماتي ټکنالوجۍ سکټور کې د مېرمنو تشویق او ملاتړ دی.

ښاغلي شهزاد آريوبي زیاته کړه له نېکه مرغه په دغه سکټور کې د ښځو ونډې د زیاتېدا لپاره ځانګړي پروګرامونه په نظر کې لرو چې د موخې د تر لاسه کولو لپاره مو د مېرمنو لپاره د زده کړې ځانګړي پروګرامونه جوړ کړي او د خوندي معلوماتي فضا د جوړولو لپاره کار کوو.