د ولسي جرګې د مواصلاتو او مخابراتو د کمېسیون غړو د مخابراتي تاسیساتو څخه لیدنه وکړه
د ولسي جرګې د مواصلاتو او مخابراتو کمېسیون غړو ته د مخابراتو او معلوماتي تکنالوجئ وزارت د لاسته راوړڼو او راتلوونکو پلانونو په اړه معلومات ورکړل شول..
نن یکشنبې د غوايي دمیاشتي ۱۷ نیټه دمخابراتو او معلوماتي تکنالوجی وزارت رهبري او د ولسي جرګې د مواصلاتو او مخابراتو کمیسیون ګډه غونډه د مخابراتو او معلوماتي تکنالوجی په وزارت کې جوړه شوه. یاده غونډه چې د مخابراتو او معلوماتي تکنالوجۍ وزارت د رهبري هیئت په بلنه جوړه شوي وه، لومړی د مخابراتو او معلوماتي تکنالوجۍ وزیر ښاغلي انجینر امیرزي سنګين پلاوي ته ښه راغلاست وویل او دغوڼدې موخې یې داسي څرګندې کړي.
د تیرو کلونو په لاسته راوړنو لڼده کتنه.
د مخابراتو او معلوماتی تکنالوجۍ وزارت راتلوونکي پرمختیایې پلانونه.
دوکیل صاحبانونظرونه اخیستل ، پوښتنې او ځوابونه.
ښاغلي امیرزي سنګین د مبایل خدمتونو،نوري فایبر، افغان تیلي کام، پستي خدمتونو او د معلوماتي تکنالوجۍ مرکز په اړه پلاوي ته لنډه معلومات ورکړل او د راتلوونکو پلانونو په اړه وویل: غواړو چې لرو پرتو سیموته مخابراتي خدمتونو وړاندې او تر پوښښ لاندې راولو، د هېواد هغو ولایتونو ته چې د نوري فایبر پروژه نه ده رسېدلې د یادې پروژې رسول، بریښنایي حکومتداري، د 3G خدمتونو وړاندې کول، له انالوګ سېستم څخه ډیجیټل سیستم ته د تلویزیوني خپرونو اړول او د ختیځ په ۵۰ درجو کې د سټلایت ځای پرځای کولو باندې خبرې وکړې .
وروسته بیا د اترا ادارې مرستیال ښاغلي انجنیر خیر محمد فیضي، د افغان تیلی کام ريیس ښاغلي ګل احمد راستمن او د معلوماتي ټکنالوجۍ رییس اېمل مرجان لخوا غونډې ته د خپلو کړنو او راتلونکو پلانونو په اړه تفصیلي معلومات وړاندې کړای شول.
له پرزنټېشنونو وروسته د ولسي جرګې غړو د مخابراتو او معلوماتي ټکنالوجۍ وزارت له بنسټونو او تاسیساتو څخه لیدنه وکړه.
د غونډې په وروستۍ برخه کې د ولسي جرګې د مواصلاتو او مخابراتو د کمېسیون غړو لخوا په بیلابیلو برخو کې پوښتنې مطرح شوې، چې د مخابراتو او معلوماتی ټکنالوجۍ د وزارت د رهبري هیئت لخوا ځانګړي ځوابونه ورکړل شول .
د غونډې په پای کې د ولسي جرګې غړي او د یاد پلاوي مشر انجنیر صاحب خان د مخابراتو او معلوماتي ټکنالوجۍ لاسته راوړنې او پرمختګونه وستایل او د ولسي جرګې په استازیتوب یې د وزارت له کړنو او پرمختګونو څخه ملاتړ وکړ.
