د مخابراتی خدماتو لس سلنه محصول ټولونې د نظارت د مشرتابه کمېټې جلسه
Alireza Khaliqyar
یکشنبه ۱۳۹۸/۳/۱۲ - ۱۶:۲۴
یکشنبه ۱۳۹۸/۳/۱۲ - ۱۶:۲۴
د مخابراتو او معلوماتي ټکنالوجۍ وزارت سرپرست محترم محمد فهيم هاشمي نن په خپل کاري دفتر کې د ماليې وزارت د عوايدو او ګمرکونو معين محترم عبدالله رقيبي، مخابراتو او معلوماتي ټکنالوجۍ اداری او مالي معین محترم هادي هدایتی او د اترا ادارې تخنيکي مرستيال محترم سيلاب اميري سره، د مخابراتي خدماتو د لس سلنه محصول ټولونې د څارنې پر ټينګېدا خبرې وکړې.
په دې جلسه کې د څارنې ټيم د تېرو کارونو د ارزونې ترڅنګ، د څارنې د جديت، نظارتي ټیم زیاتوالي او په رڼه توګه د مخابراتي خدماتو محصول ټولونې باندې ټينګار وشو.
ښاغلي هاشمي همدا راز زیاته کړه چې د مخابراتي خدماتو محصول ټولونې د څارنې سيسټم (RTDMS) تر جوړېدو باید شرکتونه د نظارت ټيم سره هر اړخيزه همکاري وکړي او معلوماتو ته په بشپړه توګه د لاسرسی زمینه ورته برابره کړي.
