د مخابراتو او معلوماتي ټکنالوجۍ وزیر محترم شهزاد آريوبی د چين ځانګړي استازي او سفیر محترم ليو جین سونګ سره ولیدل
Alireza Khaliqyar
سهشنبه ۱۳۹۸/۲/۲۴ - ۱۵:۳۸
سهشنبه ۱۳۹۸/۲/۲۴ - ۱۵:۳۸
د مخابراتو او معلوماتي ټکنالوجۍ وزیر محترم شهزاد آريوبی نن په خپل کاري دفتر کې د افغانستان لپاره د چين ځانګړي استازي او سفیر محترم ليو جین سونګ سره ولیدل چې نوموړي پر مخابراتو او معلوماتي ټکنالوجۍ وزارت د تروريستي بريد غمرازي وکړه او د پېښې قربانيانو سره يې دوه زره امريکايي ډالر مرسته وکړه.
وروسته دواړو خواوو د افغان پُسټ ادارې د پُستي خدماتو څخه د چين هېواد د همکارۍ، د افغانستان د خپلواکۍ د بېرته اخیستلو د سلمې کليزې په وياړ د افغان – چين دوستۍ سټمپ چاپېدل، د واخان دهليز د پروژې تطبیق او د افغانستان د معلوماتي او مخابراتي ټکنالوجۍ انېستيټيوټ سره د همکارۍ په برخه کې هر اړخيزه خبرې درلودې چې په ټولو برخو کې يې د همکارۍ ژمنه وکړه.
