د مخابراتو او معلوماتي ټکنالوجۍ وزارت سرپرست د ایران اسلامي جمهوریت له سفیر سره وکتل

naweed_admin
دوشنبه ۱۴۰۱/۷/۱۸ - ۱۲:۱۶
دیدار سفیر ایران با وزیر مخابرات

د مخابراتو او معلوماتي ټکنالوجۍ وزارت سرپرست الحاج مولوي نجیب الله حقاني او کابل کې د ایران اسلامي جمهوریت سفیر ښاغلي بهادر امینیان او راغلي پلاوي تر منځ د دوه اړخیزو همکاریو په موخه ګډه ناسته وشوه.

د غونډې په پیل کې د مخابراتو او معلوماتي ټکنالوجۍ وزارت راغلي پلاوي ته ښه راغلاست وویل او د دواړو هېوادونو د ښه ګاونډیتوب او حسنه اړیکو پر اهمیت یې رڼا واچوله او په تېر یوه کال کې یې د سکټوري لاسته راوړنو او د افغانستان د اسلامي امارت پر عمده لاسته راوړنو خبرې وکړې اړ همدا رنګه یې د وزارت ټولې برخې په مختصر ډول راغلي پلاوي ته ورؤپېژندلې.

دغې لیدنه کې د ایران اسلامي جمهوریت سفیر ښاغلي بهادر امینیان او مل پلاوي یې تیاری وښود چې دوی لېواله دي په بېلابېلو برخو کې لکه د ظرفیت لوړونې، زده کړو، مخابراتو، افغانستان کې د معلوماتي ټکنالوجۍ او محصولاتو د تولید، د دواړو هېوادونو د ټکنالوجۍ برخې متخصصینو د دوه اړخیزو تجربو د شریکولو په برخو کې مرستې وکړي.

بهادر امینیان

د راغلي پلاوي له خبرو وروسته د مخابراتو او معلوماتي ټکنالوجۍ وزارت سرپرست وزیر الحاج مولوي نجیب الله حقاني د دوی له همکارۍ او ژمنو مننه وکړه او څرګنده یې کړه چې د دواړو هېوادونو منافعو ته په کتو سره مشترکه همکاري د دواړو لورو په ګټه ده او راغلي پلاوي څخه یې د ظرفیت لوړونې، د بنسټونو رغونې د تجهیزاتو د تولید او د نورو برخو سربېره افغانستان ته د بحر له لارې فایبر سره د نښلولو وړاندیز وکړ څو ایران هم وکولای شي د افغانستان د جغرافیوي موقعیت څخه په استفادې منځنۍ اسیا او جنوبي اسیا ته له ورته اسانتیاو برخمن شي.

مولوی نجیب الله حقانی

دغې ناسته کې د مخابراتو او معلوماتي ټکنالوجۍ وزارت تخنیکي او مسلکي معین ښاغلي پوهنیار احمد مسعود لطیف رای، د مخابراتو او معلوماتي ټکنالوجۍ وزارت تخنیکي مشاور ښاغلي عطام محمد یاري، د افغان پوسټ محترم رییس رحمت الله مکي، د اټرا ادارې ښاغلي رییس سید برات شاه آغا ندیم او د وزارت یو شمېر مسلکي او تخنیکي پرسونل هم ګډون درلود.

تازه خبرونه

پنجشنبه ۱۴۰۴/۶/۶ - ۱۲:۱۸
Background image

لوګر ولایت مرکز کې دسلام مخابراتي شبکې د ۲ مخابراتي سایټونو انټرنېټي خدمتونو ظرفیت لوړ شو

د مخابراتو او معلوماتي ټکنالوجۍ وزارت د هدایت پر اساس، د لوګر ولایت د مخابراتو او معلوماتي ټکنالوجۍ ریاست او سلام مخابراتي شبکې...

پنجشنبه ۱۴۰۴/۶/۶ - ۱۲:۱۴
Background image

د بغلان ولایت مرکز پلخمري ښار کې د اف ټي ټي اچ (Fiber to the Home) پروژه رسماً پیل شوه

د مخابراتو او معلوماتي ټکنالوجۍ وزارت په منظورۍ، د بغلان ولایت د مرکز پلخمري ښار په پنځو ناحیو کې...

پنجشنبه ۱۴۰۴/۶/۶ - ۱۱:۳۵
Background image

ننګرهار ولایت تورخم ښارګوټي عمري پنډغالي کې د مخابراتي شرکتونو د پیرېدونکو خدمتونو استازولیوله فعالیتونو څخه څارنه ترسره شؤه

د ننګرهار ولایت د مخابراتو او معلوماتي تکنالوجۍ ریاست له لوري یاد ولایت تورخم ښارګوتي عمري پنډ غالي کې د مخابراتي شرکت دپیرودونکو...

بېرته خبرونه ته