د مخابراتو او معلوماتي ټکنالوجۍ وزارت د رهبري پلاوي غونډه جوړه شوه او د اړوندو موضوعاتو په اړه لازمې پریکړې وشوې
دا ناسته د مخابراتو او معلوماتي ټکنالوجۍ وزیرې آغلې معصومې خاوري په مشرۍ د وزارت د پالیسۍ او پروګرامونو مرستیال او بیلابیلو ریاستونو د رئیسانو په ګډون جوړه شوې وه.
پدې ناسته کې، دنوري فایبر سره د ۱۰۱ ښوونځيو د نښلولو تړون غځولو، افغان پوسټ (اوپن سپیس) ته د برښنایي حکومتولۍ مرکز لیږدولو، د څیړنې او نوښت مرکز رامینځته کولو، د ولسمشرۍ عالي مقام مصوبو، لارښوونو او حکمونو د پلي کولو په منظور د راپور ورکولو پروسې ګړندۍ کولو او د وزارت مقام د تقنیني سندونو او پروسیجرونو پروسو او نورو اړونده مسلو په هکله تفصیلي خبرې وشوې او په اړه یې لازمې پریکړې وشوې.
