د زابل والي په دغه ولایت کې د مخابراتي خدمتونو د ښه والي په خاطر د ښاغلی محمد فهیم هاشمي سره وکتل
د معلوماتي ټکنالوجۍ، مخابراتو او ساینس وزارت سرپرست ښاغلي محمد فهیم هاشمي نن چهارشنبه د زمري میاشتې ۲۲ نیټه د زابل ولایت والي تورن جنرال محمد نبی احمدزی، ولایتي شورا رئیس حاجي عطا محمد او ملګري پلاوي سره ولیدل. په دغه کتنه کې دواړو خواوو په زابل ولایت کې د مخابراتي او انټرنتي خدمتونو حالت او ستونزو په اړه خبرې وکړې.
د زابل ولایت ښاغلي والي لومړی په دغه ولایت کې د روانو حالاتو او یو لړ ننګونو په اړه معلومات ورکړل او د یو شمیر اړتیاوو په یادولو سره، د مخابراتي ستونزو د حل لپاره زابل ولایت د خلکو غوښتنې وړاندې کړې او همداراز د اړوندو چارواکو د پاملرنې غوښتنه وکړه.
نوموړي په دغه ولایت کې د با کیفیته خدمتونو په وړاندې کولو کې د مخابراتي شبکو د لا همغږي کولو غوښتنه هم وکړه. په پای کې، د مخابراتو وزارت رهبري او اړوند چارواکو ژمنه وکړه چې د وزارت د دندو او صلاحیتونو په چوکاټ کې به د ستونزو د حل لپاره لازم اقدام وکړي. د قانون له مخې، د مخابراتو سکتور پورې اړوند خدمتونه او د چارو تنظیمول د اترا ادارې یوځانګړی او قانوني دنده ده.
