سنبله ۲۲،  د مخابراتو او معلوماتي ټيکنالوجۍ سرپرست وزير نن د اوبو او برېښنا وزير ښاغلي علي احمد عثماني سره وليدل. سرپرست وزير په خپلو راتلونکو پلانونو رڼا واچوله او په ګډ کار يې ټينګار وکړ. 
ښاغلي عثماني سره د هرات عالي دارالعلوم شيخ الحديث مولوي محب الله مولوي زاده او د دارلافتا غړی مفتي ګلاب الدين ذاکري هم مل و. هغوی د هرات عالي دارالعلوم لخوا د "رحمت" تلويزون د جوړولو لپاره د ځانکړې فريکونسۍ غوښتنه وکړه چې د سرپرست وزير لخوا د بشپړې همکارۍ ډاډ ورکړل شو.

ښاغلي اريوبي وويل: 
"د دينې خپرونو زياتېدل د خير باعث دي او دا زمونږ مسوليت دی چې د خپلو خلکو د عقيدوي پولو ساتنه وکړو. ډېر ژر به د هرات عالي دارالعلوم تر څنګ په يو شمېر لويو مدرسو کې د معلوماتي ټيکنالوجۍ لابراتوارونه جوړ کړو، تر څو د ديني زده کړو لارويان د اسلامي نړۍ د اسلامي مرکزونو سره په تماس کې وي او معلوماتو ته پر وخت لاس رسی ولري."
د هرات عالي دارالعلوم مسولينو د سرپرست زير مننه وکړه او د حکومت له برنامو يې ملاتړ څرګند کړ.