د انټرنیټ لس ستر شرکتونه د انټرنیټي ټرافيک د تبادلې مرکز سره یوځای کېږي

د مخابراتو او معلوماتي ټکنالوجۍ وزارت د معلوماتو د امنيت رياست د سرپرست محترم زاهد ستانکزي تر ریاست لاندې او د NIXA پروژې د مدير عبدالمجيد يما او د ISP د لس سترو شرکتونو د استازو په ګډون مشترکه ناسته تر سره شوه او ددغه شرکت لیوالتيا وښوده چې په لومړۍ مرحله کې د انټرنیټی ټرافيک د تبادلې مرکز سره یوځای کېږي.
د معلوماتو د امنيت رياست سرپرست او د(NIXA) پروژې مدير د قيمتونو د کمښت او د انټرنیټ د سرعت د چټکتيا له پلوه ددغه سيسټم د نقش او ارزښت په اړه د یو پرېزنټیشن له لارې ګډونوالو ته معلومات ورکړل. 
وروسته د ISP شرکتونو د معلوماتو د امنيت او د ارتباط د څرنګوالي په اړه خپلې پوښتنې وکړې چې د ښاغلي زاهد ستانکزي له خوا ورته لاز ځوابونه ورکول شول. 
ورپسې د ISP شرکتونو استازو ژمنه وکړه چې د دوه اړخيزه هوکړه لیک په لاسلیکېدو سره به د انټرنیټي ټرافيک د تبادلې د مرکز سره یوځای شي چې وکولی شي ددغه سيسټمو له ګټو څخه په استفادې خپلو هېوادوالو ته ښه او با کيفيته خدمات وړاندې کړي.