د افغان ټلیکام او سلام شرکتونو په انټرنیټ بییو کې (۳۰) سلنه کموالی!
enayat_admin
سهشنبه ۱۳۹۸/۱۱/۲۹ - ۱۳:۴۲
سهشنبه ۱۳۹۸/۱۱/۲۹ - ۱۳:۴۲
د مخابراتو او معلوماتي ټکنالوژۍ سرپرست وزیر محمد فهیم هاشمي، نن سه شنبه د روان کال سلواغې میاشتې ۲۹ نېټه، د افغان ټلیکام او سلام مخابراتي شرکت عمده او پرچون بیې اعلان کړې.
په دغه ناسته کې ښاغلي هاشمي وویل: «اوسمهال انټرنیټ د افغان ولس تر ټولو ستره اړتیا حسابیږي او مونږ هڅه کوو، په دې برخه کې دوی ته لا ښه فرصتونه رامېنځته کړو.»
د مخابراتو او معلوماتي ټکنالوژۍ وزارت له ژمنې سره سم، د انټرنیټ په عمده بییو کې تر ۳۰ سلنه او سلام مخابراتي شرکت په پرچون انټرنیټ بییو کې تر ۲۰ سلنه کموالی راووست، چې په دې اساس له خصوصي مخابراتي شرکتونو هم هیله مند یو، څو په خپلو انټرنیټي بییو کې کموالی اعلان کړي.
