د افغانستان – اروپا اتحاديې سوداګريزې شورا جلسه کې ګډون

Alireza Khaliqyar
یکشنبه ۱۳۹۸/۲/۲۲ - ۱۶:۳۱

https://www.mcit.gov.af/ps/%D8%AF-%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%E2%80%93-%D8%A7%D8%B1%D9%88%D9%BE%D8%A7-%D8%A7%D8%AA%D8%AD%D8%A7%D8%AF%D9%8A%DB%90-%D8%B3%D9%88%D8%AF%D8%A7%DA%AB%D8%B1%D9%8A%D8%B2%DB%90-%D8%B4%D9%88%D8%B1%D8%A7-%D8%AC%D9%84%D8%B3%D9%87-%DA%A9%DB%90-%DA%AB%DA%89%D9%88%D9%86

د مخابراتو او معلوماتي ټکنالوجۍ وزیر محترم شهزاد آريوبي نن د جمهوري رياست د دوهم مرستيال استاد دانش په مشرۍ د افغانستان – اروپا اتحاديې سوداګريزې شورا جلسه کې ګډون وکړ چې د اروپايي اتحاديې سوداګريزو غړو، د اروپايي اتحاديې سفیر، د لس اروپايي هېوادونو سفيرانو، د کابينې يو شمېر غړو او د خصوصي سکټور د خونديتوب کمېټې غړو په کې ګډون کړی و. 
په دې جلسه کې مو د سوداګريزو فعالیتونو حقوقي چوکاټ او نقينيني اسنادو کې د موجوده ستونزو، د معلوماتي ټکنالوجۍ او کانونو سکټور د ستونزو د څرنګوالي، امنيتي خنډونو او د سکټور اړوند نورو اړوندو موضوعاتو په اړه بحث او ارزونه وشوه. 
د جلسې په اوږدو کې د مخابراتو او معلوماتي ټکنالوجۍ سکټور کې د موجوده ستونزو، د مشترک لیدلوري رامنځته کولو او د هېواد په اقتصادي او ټولنيزې ودې کې ددغه سکټور د ونډې په اړه خبرې وشوې او د معلوماتي ټکنالوجۍ د اتحاديې استازو په دې برخه کې مفصل پرېزنټیشن وړاندې کړ .
ښاغلي شهزاد آريوبي، د مخابراتو او معلوماتي ټکنالوجۍ سکټور کې ددوی د ستونزو د اورېدلو تر څنګ د مخابراتو او معلوماتي ټکنالوجۍ وزارت د فعالیتونو او د ستونزو د کمښت په اړه معلومات ورکړل او د خصوصي سکټور سره يې په جدي همکارۍ ټینګار وکړ. 
په جلسه کې پرېکړه وشوه چې خصوصي سکټور او مسؤول دولتي بنسټونه دې هغه ستونزې او وړانديزونو چې د خصوصي سکټور د فعالینو له خوا په جلسه کې مطرح شوي دي، په جلا ناستو کې و ارزوي او مناسبه حل لاره ورته پېدا کړي.