د افغانستان حکومت نړیوال بانک سره تړون لاسیلک کړ.

دمالې وزارت دافغانستان حکومت په استازیتوب نړیوال بانک سره په هیواد کې  دمخابراتي بنسټون د پراختیا په موخه د ( ۵۰ ) ملیونه ډالرو په ارزښت د مرستو تړون لاسیلک کړه.

په همدې اړوند جوړ شوي مطبوعاتي کنفرانس کې دمخابراتو او معلوماتي ټکنالوجۍ سرپرست وزیر ښاغلي امیرزي سنګین د مالې وزیر ښاغلي محمد عمر زاخیلوال ،  د بریښنا او آبولګولو وزیر ښاغلي محمد اسعیل خان د نړیوال بانک مرستیاله میرمن جوزیفون ، دمخابراتو او معلوماتي ټکنالوجۍ دمقام د دفتر رئیس ښاغلي غلام جیلاني وزیري ، د مخابراتو او معلوماتي ټکنالوجۍ د پلان او پالیسۍ رئیس ښاغلي اجمل عیان ځینو لور پوړو دولتي چارواکو او د رسنیو استازو ګدون کرئ وو.

د کنفرانس په پیل کې د نړیوال بانک مرستیالې میرمن جوزیفون وویل :

د مخابراتو او معلوماتي ټکنالوجۍ وزارت د وروستیو څوکلونو لاسته راوړنو پربنسټ چې د نړیوال بانک پام یي ځان ته را اړولی او د دغه وزارت د تیرو لاسته راوړنو په پام کې نیولو سره  چې د (  یوسلو او چلویښت اعشاریه ات) ملیونو امریکایي دالرو مرستو څخه ( ۵۰ ) ملیونه د مخابراتو او معلوماتي ټکنالوجۍ وزارت ته ځانګړی شوي دی.

د کنفرانس په لړ کې دمخابراتو او معلوماتي ټکنالوجۍ سرپرست وویل:چې، د مخابراتو او معلوماتي ټکنالوجۍ وزارت تل کوښښ کړي  چې ګرانو هیوادوالوته مخابراتي او انترنتي خدمتونه برابر کړي .

همدارنګه د نړیوال بانک له (۵۰ ) ملیونو ډالرو مرستو  څخه یې مننه وکړه دمخابراتو او معلوماتي ټکنالوجۍ وزارت د نړیوال بانک د وړیا مرستو څخه به د مخابراتي او انترنتي شبکو د پرختیا په برخه کې ولګوي، چې اوس مهال (۴) سلنه د هیواد وګړي د انترنتي خدمتونو څخه برخمن دي ، چې په راتلونکې کې به انترنتي خدمتونه (۵۰) سلنې ته پرختیا ومومي .

ښاغلي امیرزي سنګین زیاته کره موږ په پام کې لرو چې زر کیلو متره دنوري فایبرکیبل شبکه د افغانستان مرکزي ولایتونو ته لکه ( بامیان ، غوراو دایکندی ) او شمال ختیځ ولایتونو لکه ( بدخشان او تخار) ته پرختیا ورکړو او همدارنګه د کارکونکو د وړتیا په لوړولو کې به اغیزمن وي.

ښاغلي امیرزي سنګین  د کنفرانس په ورستۍ برخه کې ژمنه وکړه. چې په نږدې راتلونکې کې به لرو پرتو سیموته چې دمخابراتي او انترنتي خدمتون څخه بی برخې دي د مخابراتي او انترنتي خدمتونو تر پوښښ لاندې راشئ