د آسان خدمت ادارې رئیس د مخابراتو او معلوماتي ټکنالوجۍ سرپرستې معصومه خاوري سره وکتل
د روان ۱۳۹۹ کال د تلي میاشتې په ۲۲ مه نیټه د آسان خدمت ادارې رئیس ښاغلي محمد نعیم څمکني او د دې ادارې یو شمیر چارواکو د مخابراتو او معلوماتي ټکنالوجۍ وزیرې آغلې معصومه خاوري سره وکتل.
په دا غونډه کې، دواړو لوریو د یو شمیر همکاریو او پروګرامونو، په ځانګړي توګه د مبایل له لارې د معاشونو ورکولو ( MSP) پروژې د پلي کیدو د څرنګوالي په اړه خبرې وکړې.
دا مهال شاوخوا د ۴۰ زره ښوونکو معاشونه د دې برنامې له لارې ورکړل شوي دي، او د دې پروژې پیاوړتیا او پراختیا به په دې برخه کې اسانتیاې او رو ڼتیا رامینځته کړي.
په پای کې ښاغلي څمکني په اړوندو څانګو کې د دغه پروګرام په پلي کیدو کې د وزارت له مشرتابه څخه د لا زیاتو همکاریو غوښتنه وکړه.
