ارزګان ولایت په یوشمیر ولسوالیو کې دافغان بیسیم مخابراتي شرکت شپږو نويو سایټونو په فعالیت پیل وکړ
د مخابراتو او معلوماتي ټکنالوجۍ وزارت په لارښوونه د ارزګان ولایت د چورې ولسوالۍ په نوري کلي ، د دهراوت ولسوالۍ په تنګي کلي ، د خاص ارزګان ولسوالۍ په قلعه خور کلي ، د چینارتو ولسوالۍ په پاتان او لنګر کلیو او د مرکز ترینکوټ اړوند په سرخوم کلي کې په فعالیت پیل وکړ او ګټې اخیستنې ته وسپارل شول.
د یادونې وړ ده د ارزګان ولایت په یادو ولسوالیو کې د مخابراتي خدمتونو د پراختیا او هلته د سیمې اوسېدونکو ته د آسانتیاو د رامنځته کېدو له امله ځایي اوسېدونکو خوښي څرګنده او د مخابراتو او معلوماتي ټکنالوجۍ وزارت د هڅو ستاینه یې وکړه.
