د اقتصاد وزارت سره د زیربنايي پروژو د روڼتيا او حسابدهۍ زیاتېدو په اړه د همکارۍ هوکړه لیک لاسلیک

Alireza Khaliqyar
دوشنبه ۱۳۹۷/۱۲/۶ - ۱۷:۲۶

https://www.mcit.gov.af/index.php/ps/%D8%AF-%D8%A7%D9%82%D8%AA%D8%B5%D8%A7%D8%AF-%D9%88%D8%B2%D8%A7%D8%B1%D8%AA-%D8%B3%D8%B1%D9%87-%D8%AF-%D8%B2%DB%8C%D8%B1%D8%A8%D9%86%D8%A7%D9%8A%D9%8A-%D9%BE%D8%B1%D9%88%DA%98%D9%88-%D8%AF-%D8%B1%D9%88%DA%BC%D8%AA%D9%8A%D8%A7-%D8%A7%D9%88-%D8%AD%D8%B3%D8%A7%D8%A8%D8%AF%D9%87%DB%8D-%D8%B2%DB%8C%D8%A7%D8%AA%DB%90%D8%AF%D9%88-%D9%BE%D9%87-%D8%A7%DA%93%D9%87-%D8%AF-%D9%87%D9%85%DA%A9%D8%A7%D8%B1%DB%8D-%D9%87%D9%88%DA%A9%DA%93%D9%87-%D9%84%DB%8C%DA%A9-%D9%84%D8%A7%D8%B3%D9%84%DB%8C%DA%A9

د مخابراتو او معلوماتي ټکنالوجۍ وزیر محترم شهزاد آريوبي نن د هېواد د اجرائيه رئیس ډاکټر عبدالله عبدالله تر مشرۍ لاندې د وزیرانو شورا په څنډه کې د اقتصاد وزیر محترم ډاکتر مصطفی مستور د سره مو د زیربنايي پروژو د روڼتيا او حسابدهۍ زیاتېدو په اړه د همکارۍ هوکړه لیک لاسلیک کړ.

ددغه هوکړه لیک موخه د افغانستان په زیربنايي پروژو کې روڼتيا رامنځته کول دي چې له مخې يې د مخابراتو او معلوماتي ټکنالوجۍ وزارت سربېره اووه نور وزارتونه او مستقلې ادارې لاندې فعالیتونه تر سره کوي.

1د کاسټ نړېوالو معيارونو سره سم د زیربنايي پروژو اطلاعات نشرول، 
2. د اطلاعاتو خپرولو له لارې په زیربنايي پروژو کې د خلکو شریکول، 
3.د زیربنايي پروژو د ارزونې په موخه د کاسټ تحقیقاتي ټیم سره د ادارو همکاري، 
4 ددغه بنسټ د تحقیقي راپورونو د موندنو پر بنسټ د زیربنايي پروژو په میکانیزم کې اصلاحات راوستل. 
د کاسټ په اړه باید وویل شي چې د زیربنايي سکټور د روڼتيا یو نړېوال او غیر انتفاعي ابتکار دی چې د حکومت، خصوصي سکټور او مدني ټولنې سره د زیربنايي پروژو د روڼتيا او حسابدهۍ له مخې د پانګونو د ارزښت زیاتېدو لپاره کار کوي. 
د افغانستان دولت د وزیرانو شورا ۱۳۹۲ مال د تلې مياشتې د پرېکړې پر اساس د اقتصاد وزارت له لارې ددغه ابتکار سره یوځای شوی او رسما يې په ۱۳۹۵ کال کې کار شروع کړی.