ننګرهار ولایت جلال آباد ښار د تالاشي څلور لاري کې د روشن مخابراتي شرکت د پیرودونکو خدمتونو څانګه پرانیستل شوه
د ننګرهار ولایت د مخابراتو او معلوماتي ټکنالوجۍ ریاست او روشن مخابراتي شرکت مسئولینو د ګډو هڅو په پایله کې د ننګرها ر مرکز جلال آباد ښار اړوند د تالاشي څلور لاري کې د پېرودونکو د خدمتونو نوې څانګه چې په ټولو امکاناتو سمبال ده د یولړ رسمي مراسمو په ترڅ کې پرانیستل شوه چې د دې څانګې په پرانېستلو سره به د جلال آباد ښار د یادې سیمې د اوسیدوونکو ستونزې حل شي .
د ننګرهار ولایت د مخابراتو او معلوماتي ټکنالوجۍ رئیس د دغې څانګې د پرانستلو له امله خوښي څرګنده کړه او د جلال آباد ښار په نورو برخو کې یې د روشن مخابراتي شرکت د استازولیو د پراختیا ، لرې پرتو سیموته د مخابراتي خدمتونو د غزولو او د یاد ولایت اوسیدونکو لپاره یې د سیکارتونو دثبت په لړۍ کې د آسانتیاو برابرولوغوښتنه وکړه .
دغه راز د ياد شوي شرکت مسوولينوپه نوموړي ولایت کې د خپلو خدمتونو دپراختیا اود مخابراتو او معلوماتي ټکنالوجۍ وزارت د اترا اداری د کړنلارې د بشپړعملی کولو ژمنه څرګنده کړه.
