د مخابراتو او معلوماتي ټکنالوجۍ وزیرې او د مالیې وزارت مالي مرستیال د اړوندو پروژو د لا همغږي کولو او تمویل په اړه ولیدل او خبرې یې وکړې
د مخابراتو او معلوماتي ټکنالوجۍ وزیرې معصومې خاوري د مالیې وزارت د مالی مرستیال ښاغلي عبدالحبیب ځدران سره وکتل او د بیلابیلو موضوعاتو لکه د ملي پروژو تمویل، د بودیجې مناسب مصرف، همغږۍ او د دواړو ادارو ترمنځ نږدې همکارۍ په اړه یې خبرې وکړې.
پدې ناسته کې، د مخابراتو او معلوماتي ټکنالوجۍ وزیرې د ملي پروژو په وخت او ګړندي پلي کولو، په سمه توګه د بودیجې لګولو، رو ڼتیا او حساب ورکولو په موخه د مالیې وزارت د لا ډیرو همکاریو او همغږۍ غوښتنه وکړه.
د مالیې وزارت مرستیال و ویل چې د ملي بودجې سمه کارول د یو اصل په توګه ګڼي او زیاته یې کړه چې د ملي پروژو د پلي کیدو ملاتړ د دې وزارت له لومړیتوبونو څخه دی.
