په ننګرهار ولایت کې د مخابراتي شرکتونو مسؤلینو سره د همغږۍ غونډه جوړه شوه.
یاده غونډه کې د مخابراتو او معلوماتي ټکنالوجۍ رئیس، د مخابراتي خدمتونو تنظیم ادارې (اترا) رئیس او په ننګرهار ولایت کې د مخابراتي شرکتونو مسؤلینو برخه اخیستې وه.
پدې ناسته کې، د غوره مخابراتي او ډیجیټلي خدمتونو وړاندې کولو او په بشپړ ډول د غیرقانوني سیم کارتونو د پلور مخنیوي پر لارو چارو په تفصیل سره بحث وشو.
د مخابراتي شرکتونو مسئولینو یادونه وکړه چې د ښوونکو معاشونه د ګرځنده تلیفونو او ام پیسه له لارې تادیه کیږي او خلک کولای شي د رایجو او مطلوب اپلیکیشنونو له لارې خپل د اړتیا وړ توکي په آنلاین ډول ترلاسه کړي.
په پاې کې، د مخابراتي شرکتونو چارواکو ته لارښوونه وشوه چې د مخابراتي خدمتونو کیفیت لوړولو او د ګډونوالو شکایتونو ته د رسیدګۍ په برخه کې عملي او جدي اقدامات تر سره کړي.
