د افغان پوسټ شرکت، مرکزي غیرمنقوله ملکیتونو د تثبیت لپاره غونډه جوړه شوه
دا ناسته چهارشنبه د ۱۳۹۹ کال د مرغومې میاشتې په ۱۷ نیټه د مخابراتو او معلوماتي ټکنالوجۍ وزارت اداري او خدماتو رئیس، د افغان پوسټ شرکت مرستیال او تخنیکې کارپوهانو، د مالیې وزارت او پلټنې عالي ادارې استازو په ګدون جوړه شوې وه او د افغان پوسټ شرکت د غیرمنقوله اموالو د تثبیت په اړه خبرې وشوې.
لومړی د اداري او خدمتونو رئیس، په مرکز او ولایتونو کې د افغان پوسټ شرکت منقول او غیر منقوله ملکیتونو د تثبیت په تړاو د دې ادارې د اجراآتو رايور وړاندې کړ. هغه زیاته کړه چې منقول او غیر منقول ملکیتونو لیږد په شپږو پړانو کې ترسره کیږي، لومړی پړاو چې د مرکز منقول ملکیتونو لیږد دی ترسره شوی دی. دویم پړاو د ولایتونو منقول او غیر منقوله ملکیتونو لیږد چې د موظفې کمیټې لخوا تر کار لاندې دی. هغه یادونه وکړه چې د ۱۹ ولایتونو د ملکیتونو کار بشپړ شوی او پاتې ولایتونو راپور به د اجراآتو له بشپړیدو وروسته شریک شي.
ښاغلي بریالی صافي څرګنده کړه د ۱۸ ولایتونو د پوست خونو د ملکیت انتقال په موخه یو هیئت ټاکل شوی دی او د پوست خونو ودانۍ د دغه هیئت لخوا تثبیت شوي دي.
د کمیټې غړو د اداري ریاست او ګمارل شوي هیئت راپور له اوریدو وروسته د مرکز غیر منقوله اموالو د تثبیت په اړه خپل نظریات وړاندې کړل.
د ناستې په پای کې د کمیټې غړو د افغان پوسټ شرکت د منقول او غیر منقول ملکیتونو د انتقال د څرنګوالي په اړه لازمې پریکړې وکړې.
