په ۱۳۹۹ کال کې د معلوماتي ټکنالوجۍ، مخابراتو او ساینس وزارت پلانونه
۱- د برېښنایي حکومتولۍ پراختیا او چوکاټ:
حکومتولي هغه لړۍ ده، چې د دولتي بنسټونو عمومي چارې اداره کوي، د عامه سرچینو مدیریت کوي، او په ټولنه کې د وګړو له حقونو ملاتړ کوي. د دغه تعریف له مخې ښه حکومتولي د خلکو په مرسته د عمومي بنسټونو په چوکاټ کې د نظام ښه مدیریت ته پاملرنه کوي، د فساد پر ضد مبارزه کوي، په مالي چارو کې روڼتیا او مسئولیت منل د ښې حکومتوالۍ مهم عناصر دي.
همداراز ښه حکومتولۍ له هغې لړۍ څخه عبارت ده، چې د معلوماتي ټکنالوجۍ په کارولو سره د فساد او وخت ضایع کیدو مخه نیسي او د خدمتونو وړاندې کولو بهیر کړندی کوي. پرمختللې او متمدنه نړۍ، د معلوماتي ټکنالوجۍ په مرسته توانیدلی چې په کم وخت خپلو ټاکلو موخو ته ورسیږی.
د افغانستان اسلامي جمهوریت د ښې حکومتولۍ له پالیسي سره سم د برښنایی حکومتولۍ پروګرام پیل کړی، چې روڼتیا رامنځته کول، له اداري فساد سره مبارزه او وګړو ته په لنډ وخت کې غوره خدمتونه وړاندې کول یې اساسي موخې دي.
د مخابراتو او معلوماتي ټکنالوجۍ وزارت، له اساسي قانون سره سم په ۱۳۹۹ کال کې د ترتیب شوي پلان پر بنسټ د هیواد د پرمختګ په موخه د ښې حکومتولۍ رامنځته کولو لپاره مهم کارونه تر سره کړي دي.
د برېښنایي حکومتولۍ موخې او ښېګڼې:
- د خنډ رامنځته کوونکو تشریفاتو راکمول
- د برېښنایي خدمتونو وړاندې کول
- برېښنایي اطلاع رسونه
- د وګړو رضایت
- د ملي واک کچې لوړول
- ولسي ګډون
- د ګټې اخیستنې ډیروالی
- په چارو کې روڼتیا او د بډې اخیستنې مخنیوی
- د اطلاعاتو پر بنسټ چټکه پریکړه
- کار رامنځته کول
د برښنایي حکومتولۍ خدمتونه:
- د ورکړې چاره
- اسان دولتي خدمتونه
- د لرې واټن مشاورتي خدمتونه
- د دلالۍ خدمتونه
- برېښنایي فورمې
- نظر غوښتنه
- کار موندنه
- د احصایوي اطلاعاتو وړاندې کول
- د بازار خدمتونو وړاندې کول
- د برېښنایي پالیسي خدمتونه
- سیاسی برېښنایي خدمتونه
- رایه اچونه
- د برېښنایي نوم لیکنې خدمتونه
