کابل د مخابراتو او معلوماتي ټکنالوجۍ د نوي رئیس معرفي
Alireza Khaliqyar
دوشنبه ۱۳۹۷/۱۱/۸ - ۱۷:۲۲
دوشنبه ۱۳۹۷/۱۱/۸ - ۱۷:۲۲
د مخابراتو او معلوماتي ټکنالوجۍ وزیر محترم شهزاد آريوبي نن د کابل ولايت د مخابراتو او معلوماتي ټکنالوجۍ نوې رئیس محترم محمد بلال مسکين ددغه ریاست کارکوونکو ته معرفي کړ او په چارو کې يې ورته د برياو دعا وکړه.
محترم محممد بلال مسکين د حکومت او مخابراتو او معلوماتي ټکنالوجۍ وزارت له رهبرۍ د مننې تر څنګ ژمنه وکړه چې ورته سپارل شوې دندې به پر وخت او ښه توګه تر سره کوي او د کابل خلکو ته به د خداماتو د پراختيا زمينه برابروي.
همدا شان محترم شهزاد آريوبي د محترم مسکين له معرفي وروسته د کابل ولايت د مخابراتو او معلوماتي ټکنالوجۍ ریاست ټولو ادارو څخه لیدنه وکړه، د عامه خدماتو او په ځانګړې توګه د مخابراتي خدماتو د بهبود په موخه يې اړندو مسؤولينو ته لازمې لارښوونې وکړې.
