په چين کې د انټرنېټ پنځم نړيوال کنفرانس کې وېنا
چهارشنبه ۱۳۹۷/۸/۱۶ - ۱۳:۳۸
د مخابراتو او معلوماتي ټکنالوجۍ وزیر محترم شهزاد آريوبي د یو لوپوړه دولتي پلاوي په مشرۍ د شانګهای ایالت (Wuzhen) کې د انټرنېټ پنځم نړيوال کنفرانس کې د ګډون تر څنګ خپله وېنا هم وړاندې کړه.
په دغه کنفرانس کې د ټولنيز اعتبار سيسټم جوړول، د انټرنېټ د راتلونکي په اړه وړاندويېنه، د انټرنېټ کارونې نوښت او خلاقيت، د ورېښمو ډيجيټلي لارې په جوړولو کې نړيوالې همکارۍ، د توکو د انټرنېټ ترويج (IoT)، د انټرنېټ پراختيا او اقتصادي ودې لپاره د پانګونو زمينه برابرول ددغه کنفرانس د بحث مهم موضوعات دي.
چې په لړ کې به يې د بېلابېلو هېوادونو د مخابراتو او معلوماتي ټکنالوجۍ لوړ پوړي چارواکي، د مخابراتو نړېوالې اتحاديې او اروپايي اتحاديې مسؤولين او د ټکنالوجۍ کارپوهان بېلابېلې ناستې هم ولري.
محترم شهزاد آريوبي د خپلې وېنا په ترڅ کې په افغانستان کې د انټرنېټ وضعيت، نوري فايبر شبکې، د افغانستان او چین تر منځ د نوري فايبر د نښلولو هوکړه لیک، اوپن اکسس پاليسۍ، په دغه برخه کې د پرمختګونو، د پانګونې د فرصتونو او د مخابراتو سکټور څخه د افغانستان د دولت د ملاتړ په مفصل معلومات وړاندې کړل.
