د مخابراتو او معلوماتي ټکنالوجۍ وزیر د افغانستان او ترکمنستان د اوسپنې پټلی د پرانستې په غونډه کې ګډون وکړ
د روان 1396 کال د کب د میاشتې په 4 مه نیټه د مخابراتو او معلوماتي ټکنالوجۍ وزیر ښاغلي شهزاد آریوبي د افغانستان د اسلامی جمهوریت د جلالتمآب جمهور رییس په لارښوونه د هیواد په استازیتوب د افغانستان او ترکمنستان د اوسپنې پټلی د پرانستې په غونډه کې ګډون وکړ. په دې غونډه کې د ترکمنستان د جمهوري دولت د ریلوې وزیر دهغه هیواد د استازي په توګه برخه اخستې وه.
دا پټلی چې ۱۳ کیلومټره اوږده د افغانستان د هرات ولایت په تورغونډی سیمه کې د ترکمنستان هیواد څخه راغزیدلی ده د سوداګریزو توکو په لیږد رالیږد کې ډیر کومک کوي.
په دې غونډه کې د دواړو هیوادونو نه په لسګونو خلکو برخه اخستې وه او خپله خوښې یې په ملي نڅاوو سره ولمانځله.
