کوښښ کوو نوښتونه را منځته او بيروکراسي را کمه کړو

Alireza Khaliqyar
سه‌شنبه ۱۳۹۸/۴/۲۵ - ۱۵:۲

https://www.mcit.gov.af/ps/%DA%A9%D9%88%DA%9A%DA%9A-%DA%A9%D9%88%D9%88-%D9%86%D9%88%DA%9A%D8%AA%D9%88%D9%86%D9%87-%D8%B1%D8%A7-%D9%85%D9%86%DA%81%D8%AA%D9%87-%D8%A7%D9%88-%D8%A8%D9%8A%D8%B1%D9%88%DA%A9%D8%B1%D8%A7%D8%B3%D9%8A-%D8%B1%D8%A7-%DA%A9%D9%85%D9%87-%DA%A9%DA%93%D9%88

د مخابراتو او معلوماتي تکنالوجۍ سرپرست وزیر ښاغلي محمد فهیم هاشمي د رسنیو له مسولینو سره په مشورتي ناسته کې وعده وکړه چې د مخابراتو په ډګر کې به جوت مثبت بدلونونه رامنځته کړي.
ښاغلي هاشمي په ټوله کې د دې وزارت کړنې اهداف او لاسته راوړنې د ناستې له ګډونوالو سره شریکې کړې. هغه په ځانکړې توګه د آسان خدمت ادارې له فعالیتونو څخه ستاینه وکړه او ژمنه یې وکړه چې د دې ادارې فعالیتونه به پراخ کړي. 
بل خوا د رسنیو استازو خپلې نظریې، نیوکې، وړاندیزونه او پوښتنې د وزارت له رهبرۍ سره د اصلاحاتو په موخه شریکې کړلې. د وزارت رهبرۍ ژمنه وکړه چې په ټوله کې به دا وزارت له رسنیو سره همکار پاتې شي او لا زیاتو آسانتیاوو د رامنځ ته کولو لپاره به ورسره هر اړخیزه همکاري وکړي.