کنړ ولایت د چپې درې ولسوالۍ کې افغان بیسیم مخابراتي د نوي سایټ جوړولو په موخه سروې تر سره شو
د مخابراتو او معلوماتي ټکنالوجۍ وزارت د لارښوونې پر اساس د کنړ ولایت د مخابراتو ریاست، د ګډ مسلکي ټیم له لوري د کنړ ولایت چپې درې ولسوالۍ په څاریګل سیمه کې دافغان بیسیم مخابراتي شرکت د نوي سایټ جوړولو لپاره سروې تر سره شوه او همداراز د ماڼوګي ولسوالۍ په لیچلام سیمه کې د یوه فعال مخابراتي سایټ څخه څار تر سره شو.
ډېر ژر به د افغان بیسیم مخابراتي شرکت د سایټ د جوړولو عملي چارې پیل شي او له جوړیدو وروسته به د یادې سیمې محترمو اوسیدونکو ته مخابراتي او انټرنټي خدمتونه وړاندې شي.
د یادونې وړ ده چې د څاریګل سیمې اوسیدونکو د مخابراتو او معلوماتي ټکنالوجۍ وزارت د دغه اقدام څخه خپله خوښي څرګنده کړه.
