کاپیسا ولایت کې د دولتي ادارو ۱۷ تنه دولتي کارکوونکي د کمپیوټري مهارتونو د زده کړې دورو کې شامل شول
د مخابراتو او معلوماتي ټکنالوجۍ وزارت د هڅو په پایله کې د دولتي ادارو د ډیجیټل جوړونې بهیر د ګړندیتوب لپاره، د کاپیسا ولایت د مخابراتو او معلوماتي ټکنالوجۍ ریاست د بیلابیلو دولتي ادارو تخنیکي کارکوونکو ته د وړتیاوو د لوړولو په موخه په لمړي ځل د کمپیوټر، انترنیټ او اوټ لوک (Outlook) پروګرام لمړنیو پروګرامونو د شپږمیاشتنیو زده کړو کورس پیل کړ.
د زده کړې په دا پروګرام کې هغه ۱۷ تنه دولتي کارکوونکي چې د اړوند ادارو له لوري دې پروګرام ته ورپیژندل شوي دي د کمپیوټري شبکو پیژندنې، د کمپیوټر لمړني پروګرامونو او اوټ لوک (Outlook) پروګرام په برخو کې به د عملي او نظري زده کړې څخه برخمن شي.
هیله ده چې نوموړي کارکوونکي به د دې زدوکړې پروګرام وروسته د کمپیوټر مهارتونو او سیستمونو سره بلدتیا ومومي او د غیر اغیزمن (پخوانی) سیستم به په پرمختللي او ډیجیټلي سیستم باندې بدل شي.
