پکتیکا ولایت کې ۲۵ مخابراتي سایټونه جوړېږي
د مخابراتو او معلوماتي ټکنالوجۍ وزارت وزیر د پکتیکا ولایت یو شمېر علما او سپین ږیرو سره لیدنه ؤکړه.
د پکتیکا ولایت علماء او سپین ږیرو یاد ولایت کې د مخابراتي آسانتیاو د رامنځته کېدو غوښتنه وکړه. د دوی په وینا له کلونو راپدیخوا پکتیکا ولایت ته د مخابراتي آسانتیاو په برخه د پام وړ کار نه دی شوی او اوس غواړي څو دغې برخې ته پاملرنه ؤشي.
د مخابراتو او معلوماتي ټکنالوجۍ وزارت وزیر ښاغلي مولوي نجیب الله حیات حقاني د پکتیکا ولایت له راغلو علما او سپین ږیرو سره په لیدنه کې ؤویل چې د مخابراتو او معلوماتي ټکنالوجۍ وزارت اټرا ادارې لسمې پروژه کې د پکتیکا ولایت په ګڼو سیمو کې ۲۵ مخابراتي سایټونه په نظر کې نیول شؤي او همدا راز د مخابراتو او معلوماتي ټکنالوجۍ وزارت د هېواد هغه محرومې سیمې چې تر دې دمه ورته هیڅ راز مخابراتي آسانتیاوې نه دي رسیدلي ۴۵۰ مخابراتي سایټونه د قرارداد له مخې او همدا راز له ۵۰ ډېر مخابراتي سایټونه د واحدې منبع له مخې په نظر کې نیولي چې له مخې به یې د هېواد ډېری سیمې له مخابراتي آسانتیاو برخمنې شي.
