پکتیکا ولایت ډیله ولسوالۍ کې د افغان بیسیم مخابراتي شرکت یو سایټ فعال او ګټې اخیستنې ته وسپارل شو
د مخابراتو او معلوماتي ټکنالوجۍ وزارت د پلان له مخې د پکتیکا ولایت ډیله ولسوالۍ کې د مخابراتي ستونزو د حل په موخه د افغان بیسیم مخابراتي شرکت یوه سایټ جوړ او د مخابراتي چوپړ د وړاندې کؤلو په موخه ګټې اخیستنې ته وسپارل شو .
د یاد مخابراتي سایټ په فعالېدو سره به د پکتیکا ولایت د ډیله ولسوالۍ زیات شمیرسیمي له مخابراتي خدمتونو برخمن شي او د اړونده ولسوالۍ اوسېدونکي به وکولای شي له انټرنټي او مکالماتي چوپړ ګټه پورته کړي.
د یادولو وړ ده د پکتیکا ولایت د ډیله ولسوالۍ اوسېدونکو د مخابراتو او معلوماتي ټکنالوجۍ وزارت له مشرتابه مننه وکړه چې د هېواد لرو پرتو سیمو ته یې ځانګړې پاملرنه کړې او هغه سیمې چې له ډېره وخته د مخابراتي خدمتونو څخه بې برخې وې اوس مهال ورته غوره مخابراتي چوپړ وړاندې کېږي.
