په شمشاد تلویزون د برید په اړه د مخابراتو او معلوماتي ټیکنالوجۍ وزارت د سرپرست پیغام

د نهایت خواشینۍ ځای دی چې ترهه ګرو نن د هېواد په مخکښ تلویزون شمشاد برید کړی. په رسنیو برید د بیان په ازادۍ برید دی او دا زمونږ هغه ارزښت او لاسته راوړنه ده چې په هر قیمت یې دفاع ته چمتو یو. ترهه ګرو نن یو وار بیا ثابته کړه چې دوی هیڅ انساني ارزښت ته ژمن نه دي او حتا بې طرفه او ازاد مطبوعات هم تر برید لاندې راولي. 
مونږ د شمشاد تلویزون له مسولینو، کارکوونکو د رسنیو له ټولو استازو سره په دې غم کې شریک یو او هر راز ملاتړ یې خپل مسولیت بولو. 
د پېښې قربانیانو ته تسلیت او ټپیانو ته یې عاجله روغتیا غواړم. 

د تلپاتې سولې په هیله

شهزاد اریوبي
د مخابراتو او معلوماتي ټیکنالوجۍ وزارت سرپرست