په دوبۍ کې د ميشتو افغان سوداګرو سره, مخابراتو سکټور کې د پانګونې د فرصتونو په اړه خبرې

Alireza Khaliqyar
جمعه ۱۳۹۷/۸/۱۱ - ۸:۴۷

https://www.mcit.gov.af/ps/%D9%BE%D9%87-%D8%AF%D9%88%D8%A8%DB%8D-%DA%A9%DB%90-%D8%AF-%D9%85%D9%8A%D8%B4%D8%AA%D9%88-%D8%A7%D9%81%D8%BA%D8%A7%D9%86-%D8%B3%D9%88%D8%AF%D8%A7%DA%AB%D8%B1%D9%88-%D8%B3%D8%B1%D9%87-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%B3%DA%A9%D9%BC%D9%88%D8%B1-%DA%A9%DB%90-%D8%AF-%D9%BE%D8%A7%D9%86%DA%AB%D9%88%D9%86%DB%90-%D8%AF-%D9%81%D8%B1%D8%B5%D8%AA%D9%88%D9%86%D9%88-%D9%BE%D9%87-%D8%A7%DA%93%D9%87-%D8%AE%D8%A8%D8%B1%DB%90

د مخابراتو او معلوماتي ټکنالوجۍ وزیر محترم شهزاد آريوبي، په دوبۍ کې د افغان جنرال کنسل محترم صمند افغان په نوښت جوړه شوې غونډه کې د افغان ملي سوداګرو سره په بېلابېلو موضوعاتو خبرې وکړې.

محترم شهزاد آريوبي په دغه غونډه کې د خپلو لاسته راوړنو په اړه خبرې وکړې او د مخابراتو سکټور کې د پانګونې د زمينې په برخه کې يې د شته فرصتونو په اړه د هغوی پوښتنو ته د ځوابونو تر څنګ مفصل معلومات ورکړل.

محترم آريوبي همدا راز هغوی و هڅول چې د موجوده فرصتونو او د خصوصي سکټور څخه د دولت ملاتړ ته په پاملرنې سره، په خپل هېواد کې پانګونه وکړي چې هېواد مو د پرمختګ او ترقۍ په لور ولاړ شي.

په افغانستان کې نورو برخو سربېره د مخابراتو په سکټور کې د خصوصي سکټور د پانګوالو د جلب لپاره مناسب او ښه فرصت برابر شوی چې له هغې جملې د الکوزي شرکتونو ګروپ له خوا د وصل ټېلېکام شرکت اخیستنه او په دغه سکټور کې د درې سوه ميليونه ډالرو پانګونه يې د يوې بېلګې په توګه یادولی شو.