پنجشیر ولایت د مخابراتو او معلوماتي ټکنالوجۍ ریاست او مخابراتي شرکتونو مسئولینو تر منځ د همغږۍ غونډه وشوه
د پنجشیر ولایت د مخابراتو او معلوماتي ټکنالوجۍ ریاست او مخابراتي خدمتونو وړاندې کوونکو شرکتونو تر منځ د نویو مخابراتي سایټونو د جوړولو، له ۲جي څخه ۳جي ته او د ۳جي څخه ۴جي ته د انټرنیټي خدمتونو ظرفیت د لوړولو او همدا راز د مخابراتي او انترنیټي خدمتونود لاښه والي په موخه د همغږۍ غونډه تر سره شوه.
په یاده غونډه کې د پنجشیر ولایت د مخابراتو او معلوماتي ټکنالوجۍ رئیس مخابراتي شرکتونو ته سپارښتنه وکړه چې د نویو مخابراتي سایټونو جوړول باید د مخابراتو او معلوماتي ټکنالوجۍ وزارت د پلان مطابق ترسره کړي او ۴جي ته د خپلو مخابراتی او انټرنیتي خدمتونو کیفیت لوړکړي.
د یادونې وړ ده چې پنجشیر ولایت کې موجوده مخابراتي شرکتونو مسئولینو ډاډ څرګند کړ چې د مخابراتو او معلوماتي ټکنالوجۍ وزارت اټرا ادارې کړنلارې په اساس یې خپلې چارې تنظیم کړي او هڅه کوي ټول هغه قوانین چې د مخابراتو او معلوماتي ټکنالوجۍ وزارت له لوري ورته ټاکل کېږي په بشپړ ډول پلي کړي.
