ملت ته د حکومت حساب ورکونې پروګرام کې د دایکندي ولایت د مخابراتو رئیس راپور
د دایکندي ولایت د مخابراتو او معلوماتي ټکنالوجۍ رئیس د ۱۳۹۹ مالي کال پای ته رسیدو هم مهاله، د خپلو اجراآتو او فعالیتونو په اړه راپور د یوې غونډې په ترڅ چې د خدیر ولسوالۍ په مرکز کې جوړه شوې وه له خلکو سره شریک کړل.
په دې غونډې کې د ولایت ټولنیز او اقتصادي مرستیال آغلې فاطمه اکبري، په ولایتي شورا کې د خلکو استازو، د مدني ټولنو او رسنیو استازو ګډون کړی وو.
د دایکندي ولایت د مخابراتو او معلوماتي ټکنالوجۍ رئیس ښاغلي لطف الله شریعتي د مخابراتو او معلوماتي ټکنالوجۍ ریاست او زیربنا سکتور په نمایندګې د دوو مخابراتي سایټونو د بشپړیدو، په پوستې عوایدو کې د پام وړ زیاتوالي، په دایکندي ولایت کې د محرومو او ګڼ میشتو سیمو سروې په اړه راپور وړاندې کړ، او همداراز د مخابراتو او انټرنیټ پرمختیایی پلانونه یې د ولسوالۍ خلکو سره شریک کړل.
د خدیر ولسوال ښاغلي ابراهیم انصاري خلکو ته د دولت او چارواکو راپور ورکوونه د دوي لومړني مسؤلیتونه وبلل او د همکارو ریاستونو او موسسو له هڅو څخه د ستاینلیکونو په ورکولو سره ستاینه وکړه.
پدې پروګرام کې، د یو شمیر نورو ادارو رئیسانو هم د خپلو کړنو او اجراآتو راپورونه له خلکو سره شریک کړل.
