مالیاتي برخه کې د هېوادوالو د عامه پوهاوي د لوړولو او د مالیې د ورکړې د ژمنتیا لپاره د مالیې اونۍ ونمانځل شوه
مالیاتي اونۍ شنبې ورځ د جدي یا مرغومي میاشتې پر ۲۵مې نېټې د مالیې وزارت له لوري چې د اسلامي امارت د رییس الوزارء مرستیال ښاغلي مولوي عبدالسلام حنفي، د مالیې، د مخابراتو او معلوماتي ټکنالوجۍ، اقتصاد، سوداګرۍ او د اطلاعاتو او کلتور وزرات وزیرانو د اطلاعاتو او کلتور وزارت معین ښاغلي ذبیح الله مجاهد او ګڼ شمېر نورو مشرانو هم پکې ګډون درولود ونمانځل شوه .
دغې ناسته کې د مخابراتو او معلوماتي ټکنالوجۍ وزارت وزیر ښاغلي مولوي نجیب الله حقاني د مالیې ورکول د خلکو اسلامي او ملي مسئولیت وګڼو چې دوی په مستقیم ډول د هېواد په اقتصادي پرمختګ، د بنسټيزو پروژو په عملي کولو او د پردیو له مرستو پرته د بودیجې په تمویل کې ونډه اخلي او افغانستان پر ځان بسیا کوي
د مخابراتو او معلوماتي ټکنالوجۍ وزیر وویل، پرمختللي او هغه هېوادونه چې اوس پر ځان متکي دي هغوی یو سالم مالي سیستم لري او د هېوادونو په رغونه کې یې خلکو خپل مسئولیت سرته رسولی چې افغانان هم باید د مالیې په ورکړې سره د افغانستان ثبات لپاره خپله ژمنتیا ثابته کړي .
دا په داسې حال کې ده چې سږ کال درېیو میاشتو کې د مخابراتو او معلوماتي ټکنالوجۍ وزارت د کرېډېټ کارټونو له لس سلنې مالیې کابو یو میلیارد او ۵سوه ۵۰ میلیونه افغانۍ عواید د دولت خزانې ته راټول کړي .