لس میلیونه سیمکارټونه په قانوني ډول ثبت شؤي
د مخابراتو او معلوماتي ټکنالوجۍ وزارت د سیمکارټونو د طرزالعمل د تطبیق له پیله تر دې دمه لس میلیونه مخابراتي سیمکارټونه په قانوني ډول ثبت او راجسټر کړي.
کابل کې یاده پروسه ۶۰ سلنه بشپړه شؤې او پاتې ۴۰ سلنه به هم لنډو څو میاشتو کې بشپړه شي، همدا راز ټولو مخابراتي شرکتونو ته د میاشتې د ۲۵۰ زرو سیمکارټونو د ثبت او راجسټر هدایت شوی چې د همدې میکانیزم په بشپړولو سره کؤلای شي د مخابراتو او معلوماتي ټکنالوجۍ وزارت د اټرا ادارې څخه نوي سیمکارټونه تر لاسه کړي.
که څه هم یاده پروسه افغانستان کې پر یوې پیچلې موضوع بدله شؤې وه او د معما بڼه یې غوره کړې وه چې د حل په موخه یې مؤثر ګام نه و پورته شوی، خو اوس افغانستان کې د مخابراتو په تاریخ کې لومړی ځل شو چې ټول استفاده کېدونکي سیمکارټونه یوې قانوني پروسې ته ؤغورځېدل او دا پروسه اوس پوره قانوني او بریالۍ ده.
افغانستان کې کابو ټول فعال سیمکارټونه ۲۳ میلیونو ته رسېدلي چې په دې شمېر د سیمکارټونو ثبت او راجسټر کېدل هم یوه اړینه موضوع وه چې د حل په موخه یې د مخابراتو وزارت له طریقه مخابراتي شرکتونو ته سیسټم جوړ او دوی ته یې د ثبت او راجسټر پروسه آسانه کړه او همدا راز مخابراتي شرکتونه ته ؤویل شؤل چې د خپل ظرفیت د لوړولو او همدا راز هېوادوالو ته د اسانتیاوو برابرولو په موخه باید سیار ټیمونه موظف کړي چې اوسمهال زرګونو خلکو ته د سیار ټیمونو د جوړیدو له امله د کار زمینه برابره شوې او د طرزالعمل په اساس سیمکارټونه ثبت او راجستر کوي.
