زابل ولایت کې د اتصالات مخابراتي شرکت دوه ۳جی سایټونه فعال شول
د هېواد لرو پرتو سیمو ته د مخابراتي پوښښ د پراختیا او همدا راز د انټرنټي او مکالماتي خدمتونو د کیفیت د ښه والي په موخه د زابل ولایت مرکز کلات او امکي باوړۍ سیمه کې د اتصالات مخابراتي شرکت ۲ مخابراتي سایټونه چې په ۳جی خدمتونو سمبال دي فعالیت یې پیل کړ.
د یادو مخابراتي سایټونو په فعالیدو سره به مرکز کلات او یو شمېر نیږدو سیمو کې مخابراتي کیفیت ښه او مخابراتي پوښښ پراخ چې له مخې به یې انټرنټي، مکالماتي او نورو مخابراتي خدمتونو څخه ګټه پورته کړي.
