د ۱۳۹۹ مالي کال کې د سرپل ولایت د مخابراتو او معلوماتي ټکنالوجۍ ریاست مهمې دندې او کړنې
۱- پنځه پنځوس سیمه ایزو ادارو او څلور ویشت عالي لیسې او انسټیټیوټونه د govnet پروژې له لارې په وړیا ډول د انټرنیټ سره وصل کیدو لپاره سروې.
۲- د مؤثره کارونې او د دفتر سامانونو له ورکیدو څخه مخنیوي لپاره د Inventory Management System ډیټابیس رامینځته کول.
۳- د مرکز او نورو دولتي ادارو څخه د ترلاسه شوي مکتوبونو اجرا کولو څرنګوالي لپاره د ډیټابیس رامینځته کول.
۴- د ولایت مقام د دفترونو لپاره د انټرنیټي شبکو ډیزاین.
۵- د ولایت په مرکز کې د پاینټ تو پاینټ انټرنټ له لارې د نهو ښوونځیو د نښلولو لپاره د تجهیزاتو د نصب کولو څارنه.
۶- د بلخاب ولسوالۍ د دهنه په سیمه کې د TDF پروژې څخه د افغان ټلیکام یو مخابراتي سایټ جوړول او فعالیت.
۷- د بلخاب ولسوالۍ په پیرغوله ، ګلوز او شاخ درې سیمو کې د TDF پروژې له لارې د روشن شرکت درې مخابراتي سایټونو جوړول او ګټه اخیستنې ته سپارل.
۸- د سوزمه قلعه ولسوالۍ د سبزي کلان سیمه ، د سرپل مرکز شیرمه سیمه او د کوهستانات ولسوالۍ کاشان کلي کې د افغان بېسیم مخابراتي شبکې درې سایټونو تخنیکي سروې.
۹- د مخابراتو او معلوماتي ټکنالوجۍ سکتور کې د عامه شکایتونو راټولولو او رسیدګۍ لپاره د یو جامع میکانیزم ډیزاین او ترتیب.
۱۰- د دې ریاست لخوا یو ملیون او څلورسوه دوه ویشت زره او دوه سوه افغانی عوایدو راټول شوي دي.
د سرپل ولایت د مخابراتو او معلوماتي ټکنالوجۍ رئیس انجنیر حسین قرباني لخوا ملت ته د حکومت حساب ورکولو لړۍ له مخې، په ۱۳۹۹ مالي کال کې د خپلو اجرااتو او دندو په اړه د یوې رسمي غونډې په ترڅ کې راپور وړاندې کړ او د خلکو پوښتنو ته ځوابونه ورکړل.
