د مخابراتو او معلوماتي ټيکنالوجۍ سرپرست وزير په خپله وينا کې وويل چې دا د اليکترونکي حکومتولۍ په برخه کې بل ښه اقدام دی چې افغانستان د ډيجيټل افغانستان هدف ته نژدې کوي. همدا راز يې يادونه وکړه چې دا مرکز به ډېر ژر د افغانستان د معلوماتي ملي مرکز (Afghanistan National Data Center) سره وصل شي. د دې تر څنګ په ننګرهار کې به هم سږ کال د معلوماتو دوهم ملي مرکز جوړ شي او همدا راز د معلوماتو يو بل مرکز به په قرغستان کې هم جوړ کړو تر څو په اضطراري حالاتو کې يو بل بېک اپ Back-Up مرکز هم ولرو. 
سرپرست وزير د ښې حکومتولۍ، شفافيت او ولس ته د حساب ورکونې په برخه کې د اليکترونيکي حکومتولۍ په پرمختګ ټينګار وکړ او په دې برخه کې يې د مخابراتو وزارت د لنډمهاله، منځ مهاله او اوږد مهال پلانونو څخه يادونه وکړه.