د کابل ولایت په ۲۱ مې ناحیې کې د ۲ نويو مخابراتي سایټونو له جوړیدو څخه څارنه ترسره شوه
د کابل ولایت د مخابراتو او معلوماتي ټکنالوجۍ ریاست او ګډ تخنیکي ټیم له لوري د سلام مخابراتي شبکی له ۲ نویو مخابراتي سایټونو چې د ټي ډي اف د لسمې پروژې په مرسته د پلازمینې کابل ۲۱ مې ناحیې اړوند د ماهیپر تنګي او د شپولي بابا سیمو کې د مخابراتو او معلوماي ټکنالوجۍ وزارت د پلان له مخې جوړیږي له ودانیزو چارو څخه یې څارنه ترسره شوه.
د څارنې په ترڅ کې قراردادي شرکت ته سپارښتنه وشوه چې د قرارداد مطابق چارې ترسره کړي.
دیادونی وړده چې د ماهیپر تنګي په پیل کې د یوه یاد شوي مخابراتي سایټ ودانیزې چارې بشپړې شوي او ګټې اخیستنې ته سپارل شوی دی.
د مخابراتو او معلوماتي ټکنالوجۍ وزارت هېواد کې د لویو لارو لپاره ګڼ مخابراتي سایټونه په پام کې نیولي چې په فعالېدو سره به یې مسافر او د لویو لارو په امتداد میشت ولسونه له مخابراتي خدمتونو برخمن شي، د کابل جلال اباد لویې لارې لپاره ۲۸ مخابراتي سایټونه پلان شوي چې ۶ یې ګټې اخیستنې ته سپارل شوي او په باقي پاتې سایټونو کار روان دی.
