د ډیجیټلي اقتصاد او د معلوماتي ټکنالوجۍ او مخابراتو(ICT) صنعت ستراتیژۍ سرپرست، معرفي شو
عبدالناصر روان رسما د مخابراتو او معلوماتي ټکنالوجۍ وزارت د ډیجیټل اقتصاد او د معلوماتو او مخابراتو ټکنالوجۍ (ICT) صنعت ستراتیژۍ د رییس په توګه معرفي شو.
په دې مراسمو کې چې د وزارت د بیلابیلو ریاستونو رئیسانو حضور درلود د وزارت د پالیسۍ او پروګرامونو مرستیال ښاغلي احمد مسعود لطیف رای هغه ته د نوي دندې مبارکي وویله.
ښاغلي لطیف رای د معلوماتي ټکنالوجې په صنعت کې ډیجیټلي اقتصاد یو له مهمو برخو څخه وګاڼه او د ادارې د پرمختګ او اهدافو د پلي کولو په موخه یې د نړیوالو خصوصي شرکتونو د جذبولو لپاره پرګډو هڅو او همکاریو ټینګار وکړ.
د ډیجټلي اقتصاد سرپرست رئیس ښاغلي عبدالناصر روان هم د وزارت د بیلابیلو برخو ترمنځ پر همکارۍ او همغږۍ ټینګار وکړ او ژمنه یې وکړه چې د خپلو تجربو او پوهې پر بنسټ به د معلوماتي ټکنالوجۍ صنعت د ودې او پراختیا لپاره زیاتې هڅې وکړي.
ښاغلي روان د ولسمشرۍ د عالي مقام د حکم پر اساس دې بست ته ورپیژندل شوی دی.
