د پنجشیر ولایت د مخابراتو او معلوماتي ټکنالوجۍ ریاست او د لوړو زده کړو انستیتوت ترمنځ د همکارۍ هوکړه لیک
دغه هوکړه لیک د پنجشیر ولایت د مخابراتو او معلوماتي ټکنالوجۍ، د لوړو زده کړو انستیتوت رییسانو، د مخابراتو ریاست تخنیکي کارمندانو، علمي ، مالي او اداري مرستیالانو، د پوهنتون استادانو او د مدني ټولنې استازو په ګډون سره لاسلیک شو.
د دغه تفاهم لیک له مخې به د تخنیکي او اداري کارمندانو د ودې او وړتیا لوړونې، علمي څیړنې، د ګډو څیړنیزو پروژو ترسره کولو، په سیمینارونو، ورکشاپونو، روزنیز او تخنیکي مشورو تر سره کولو، د لنډمهاله روزنې (انترنشپ) او د زده کونکو منلو لپاره زمینه برابره کړي.
همدارنګه به په تخنیکي برخو کې د زده کونکو ظرفیت ودې او ډیجیټلي مهارتونو پراختیا لپاره زمینه برابره کړي او د تخنیکي پوهې پیاوړتیا او د معلوماتي ټکنالوجیو د ښه کارولو لامل شي.